Serchhip District Planning Committee thukhawm

Serchhip District Planning Committee chu nimin khan an Chairman leh Bawrhsap Paul L. Khuma hova thukhawmin Department hrang hrangte Project thehluh an thlirho.
Serchhip DC Meeting Hall-a thutkhawm ah hian Line Department hrang hrangte telin District Administration chuan heng Department tinte hi Project thehlut tura a lo hriattir tawh angin chung an Project thehluh te chu bawhzuiin nimin khan ngaihtuah tura chhawp-chhuah a ni a. Sum awm dan tura beisei zat thlir chungin mamawh hmasa leh ngaih pawimawh zual bik te an thlurbing a, a thehluttu Department aiawh ten an sawifiah bawk a. Project ngaih pawi-mawh zual bik an neih te thurchhuakin DPR mumal taka siam turin Department te an hriattir a. Heng an rawtna te hi DC Office chuan Planning Department pawmpui turin a thehlut dawn a ni.

District Planning Committee hi India Constitution Article 275(1) behchhan a din a ni a. Tribal-te dinhmun chawikanna atan sawrkar laipui atangin sum leh pai grant-in-aid lokalin, hmasawnna ruhrel din nan sawrkarin a hmang tangkai thin a. Fund te hi tangkai taka hman a nih theih nan District Planning Committee-ah hian Department hrang hrang te an tel a. Hmasawnna hna an thawh dan tur rawtna te lakhawmin an thlitfim bakah, a vilzui hna pawh an thawk a ni.