Zoram People’s Movement (ZPM) Serchhip Block chuan nimin khan thuchhuah siamin tun-hnaia ruahsur vanga chhiatna hrang hrang a hmuna en turin niminpiah khan Chief Minister Lalduhoma chuan Serchhip Bial a rawn tlawh thu an sawi a, Mizoram hmasawnna tur ngaihtuaha veitu leh a Bial ngaihven em emtu, harsatna kan tawh lai pawha kan hmaa ding thin Chief Minister kan nei chu a thlamuanthlak tih sawiin, Zawlpui lam chu Agriculture Minister a kal tawh tho avangin a tlawh loh thu leh PWD hotute hnenah a rang thei anga Loneitute kalkawng siamthat thuai dan ngaihtuah turin a chah thung tih an sawi bawk.
