NHM hnuaia Dan lova hna lak te sut leh a ni

National Health Mission (NHM) hnuaia Dan lova thawktu lak nia sawi mi 9 te lakna chu sut leh a ni.

Hemi chungchangah hian MZP General Hqrs, chuan nimin khan thuchhuah siamin National Health Mission (NHM) hnuaia hna hrang hrang pasarih lakah Advertisement chhuah a nih loh bakah, DP&AR(ARW) OM- Guidelines for engagement of Co-Terminus (Contract or Provisional or Otherwise) employees under Centrally Sponsored Scheme/Central Sector Scheme/Externally Aided Projects, etc, 2021 tlawhchhan miah loa lak a nih avangin cancel turin sawrkar an ngen thu tarlangin, “Kan ngenna angin June 9, 2025 khan heng hna lakte hi sut a ni,” an ti a. An ngenna ang Health & Family Welfare Department-in an hna lak tawh an sut leh chu lawmawm an tih thu tarlangin, “Health Minister Pi Lalrinpuii pawhin Press Conference meuh neia MZP duhdan anga sut a nih tur thu a sawi hi a puitlin thlak hlein kan hria a, lawmthu kan hrilh a ni,” an ti a. MZP chuan Mizoram Sawrkar hnuaia hnalak chu dik takin kalpui ni thin se an duh thu pawh sawiin, “Advertisement tel lo a duh duh inthun theihna remchang hi tun hnuah khawi Department-ah mah thleng nawn tawh lo se kan duh a ni,” an ti bawk.

National Health Mission (NHM) hnuaia post 7; Lab. Technician 3, Staff Nurse 2, Asst. Data Manager 1 leh Executive Asst. 1 te hi Advertisement tello a lak an ni tih MZP chuan lo sawi tawhin heng hnalak hi June ni 10, 2025 ralhma ngeia cancel turin sawrkar a lo a ngen tawh a ni.