NEIDA in hma la zui mek zel

North East Initiative Development Agency (NEIDA) Serchhip te chuan nimin khan Bung-tlang khua ah ranvulhtute tan Training leh Animal Health Camp buatsaih.
Nimin-a he hun hman ah hian Dr. Francis Lalhmangaiha chuan ranvulh dan tha leh natna laka enkawl dan te, a chaw siamchawp dan leh chaw pek dan te a zirtir a, Training zawh hnuah Ran hriselna lama harsatna nei te tan a thlawna inrawnna hun a buatsaih chhun-zawm a ni a, Damdawi leh Vawk enkawltute tan Vawk enkawlna tur Damdawi leh Minerals chi hrang hrang te an mamawh ang zela sem a ni bawk a, mi thahnem tak an tel a ni.

NEIDA hian Mizoram a District hrang hrangah Kuthnathawktute tan Project thar a chhawpchhuah sak leh dawn a, he Project kaih-hnawh ah hian tunkar chhungin Serchhip District-a East Lungdar Block huamchhunga khaw hrang hrangah Village Council leh NGO te, Mipui aiawh te nen Inrawnkhawmna leh an khaw dinhmun zirchianna an nei mek a, he zirchianna hi a zawhfel hnuah Project thar hi mipui chhawr theih turin hna tan nghal a ni ang.