RTI Act hmangin zawhna 32,856 a lut tawh

Mizoram Information Commission (MIC) chhinchhiah danin, kum 2023-24 chhung khan sawrkar Department hrang hrang hnuaia Office/Board 170 chuan Right to Information Act, 2005 tlawhchhanin zawhna 5,734 an dawng a, kum 2006-07 atanga a taka RTI Act kalpui a nih atangin 2023-24 thlengin zawhna 32,856 a lut tawh bawk.
RTI Act, 2005 hi Mizoram-ah a takin kum 2006-07 atangin hman a ni a, hman a nih atanga kum 2023-24 thlengin zawhna 32,856 a lut tawh a. Chhannaa lungawi loh vangin First Appeal 496 leh Second Appeal 141 a lut tawh a, MIC-ah complaint 155 a lut tawh bawk. Kum 2023-24 chhung khan Mizoram sawrkar hnuaia Office/Board 170 chuan RTI Act tlawhchhana zawhna 5,734 an dawng a, kum 2022 July thla atangin online RTI kalpui a ni a, MIC data tarlan a nih danin online RTI kalpui a nih atangin RTI hmanga zawhna zawt an pung hle a ni. Hei bakh hian kum 2023 August thla atangin Village Council leh Local Council te chu Public Authority-ah puan an ni a, VCP/LCC te chu SPIO-ah ruat an ni a. Khawtlanga hmasawnna hna thawh chungchangah VC/LC te chu RTI zawhna zawh theih an ni.

MIC hian RTI Act, 2005 hnuaia Section 25-in a phut angin kumtin report a buatsaih thin a, Final report hnuhnung ber chu 2023-24 a ni a. Tunah hian Financial Year 2023-24 chhunga report lakkhawm mek a ni.