National Health Programme thlirletna hun hmang

National Health Programme hrang hranga Mizoram-a hmalak dan thlirletna chu niminpiah khan neih a ni a, he hun hi sawrkar laipui-a Ministry of Health & Family Welfare Joint Secretary Vijay Nehra chuan a hmanpui a ni.

Mizoram Secretariat Conference Hall-a he thlirletna hun hi Mizoram sawrkar Health & Family Welfare Department-a Commissioner & Secrertary H. Lalengmawia chuan kaihruaiin Vijay Nehra chuan Mizoram in Cancer Treatment/Radiotherapy a kalpui dan chu tha a tih thu a sawi a, Mizoram chu Dialysis tih theihna hmun te pawh neih belh zel tura hmala zel turin a duh thu a sawi a. Mental Health Programme hnuaia Tele MANAS chu mipuiten tangkai zawka an hman theih nan Department ten hmala turin a chah a. Health Department hotute leh thawktu te chu National Health Programme hrang hrangah thawk tha tih a sawi bawk.

He hunah hian Dr. Catherine Lalmuanawmi, State Nodal Officer, NP-NCD leh Dr. Robert L. Khawlhring, State Nodal Officer, NMHP & NPPCD ten Health Department hmalakna hrang hrangte Powerpoint Presentation hmangin an sawi a. Health Department-a Commissioner & Secretary H. Lalengmawia chuan Ministry of Health & Family Welfare, Government of India duhsakna leh puihna Mizoram in a dawn zawng zawng ah lawmthu sawiin, State sawrkar pawhin tih tur leh bawhzui tur tam tak a neih thu a sawi bawk.