Education Minister in tanlak a ngaih thu a sawi

Zonuna Kawlni /

School Education Minister Dr. Vanlalthlan chuan UPSC Exam-a Mizo kan lang hlei thei ta lo chu tan lak a ngaih thu a sawi.

Nimin-a Rangvamual-a Govt. Nepali Primary School Building sak thar a hawnna ah School Education Minister Dr. Vanlalthlana chuan Mizoram Education Reforms Committee-in zirna siamthat dan tur kawng a ngaihtuah chho mek tih sawiin, Mizoram pumah term exam-ah Question paper inang tlang hman te, Lesson Plan-ah term tina zirtirtuten an zawhpui tur chin siam te chu hmachhawp a ni mek tih a sawi a, National Curriculum Framework thar a chhuak tawh a, hemi mil hian NCERT chuan Text book pawh Class I, II, III leh VI tichhuak tawhin, thil thar zir a ni dawn tih a sawi a. Zirna pawh a danglam dawn tih sawiin, zirna kawnga hmasawn zel turin zirlaiten an zirlaiah thil chikna leh thil thar ngaihtuah chhuah theihna an neih a pawimawh hle tih a sawi bawk.

Govt. Nepali Primary School Building thar hi chhawng hnih a ni a, class Room 6, Teachers Common Room pakhat, mipa leh hmeichhe inthiarna bakah chawchhun siamna tur Kitchen te a awm a, zirlai naupang 122 leh zirtirtu 6 an awm mek bawk. He hunah hian Bialtu MLA TBC. Lalvenchhunga pawhin thu a sawi bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »