LENKAWL ADS (Computer zir duh tan 6) :

Mizo Zirlai Pawl (MZP) General Hqrs. chuan Health Department peng pakhat NHM hnuaia hna hrang hrang laka Advertisement leh dan tlawhchhan awm mumal loa hna lak te chu June ni 10, 2025 ralhma ngeia cancel nghal turin sawrkar an ngen.

    Nimin a thuchhuah an siamah MZP General Hqrs. chuan tunhnaia Health Department hnuaia hnalakah Advertisement pawh chhuah lova duhsak zawngte lak an awm tih thuthang an hriat veleh a theih ang angin a chhui nghal tih sawiin, National Health Mission (NHM) hnuaia post 7; Lab. Technician 3, Staff Nurse 2, Asst. Data Manager 1 leh Executive Asst. 1 te chu Advertisement tello a lak ngei an ni tih an hriat thu an sawi a. Heng te hi Dan hrang hrang tlawhchhan awm lova lak a ni tih sawiin, thalai hna zawng mek an intlansiak mup mup laia hetiang sawi a awm leh thin chu an la thutak in a haw takzet tih sawiin, Inelna thianghlim tak karah thalai a thiam leh tling apiang lak thin nise a an duh thu an sawi a. Health Department-in NHM hnuaia hna pasarih Advertisement pawh chhuah lova an lo lak tawh hi cancel nghal tura phutin June 10, 22025 thleng sawrkar ngaihchan nise an ti a ni.