June 13 hnu lama rawn zin turin ngenna siam

Zonuna Kawlni /

Mizoram sawrkar chuan sawrkar laipui leh State dang atanga mi pawimawh lo zin turte chu June 13, 2025 hnulam hun remchang dang lo ruahman hram turin a ngen.

Hemi chungchanga sawrkar thuchhuah in a tarlan danin, Mizoram State pumah ni engemaw zat chhung ruah nasa tak a sur avangin chhiatna hrang hrang leimin, lungrem chim, lung tla, tuilian leh Saberekakhuangkaih te a thleng a, nunna hial chan phahte an awm bawk a. He khuarel chhiatna thleng mek avang hian District hrang hrangah mipui nunphung a buai phah nasa hle a. District tina Deputy Commissioner-te kaihhruaina hnuaiah District Disaster Management Authority (DDMA) te chuan chhiatna thlenna hmun te urhsun taka vilin chhiat tawkte chhawmdawl hna ngawrh takin an kalpui mek zel a. Hetiang hi thil awmdan a nih avangin District-a hruaitute chuan ram pawn atanga VIP lo zinte pawh lo mikhual leh lo dawnsawn kawngah harsatna an tawk a ni.

Indian Meteorological Department (IMD), Regional Meteorological Centre, Guwahati-in a puan lawk danin, thlipui leh ruahpui thawk reng thei dinhmunah Mizoram chu a lan avang leh chhiatna thleng mek leh thleng zel theite thlirin mipui him tlan zawk nan Mizoram sawrkar chuan sawrkar laipui leh State dang atanga mi pawimawh lo zin turte chu June 13, 2025 hnulam hun remchang dang lo ruahman hram turin a ngen a. He thuchhuah hi mitinte kan him tlan zawk theihna tur leh chhiatna thlengte tih ziaawm leh chhanchhuah leh chhawmdawl hnate chak zawka hlenchhuah a nih theih nan liau liaua chhuah a nih thu an tarlang bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »