Modi-a sawrkar hmalakna te puangchhuak

Prime Minister Narendra Modi kaihhruai sawrkar in kum 11 chhunga ram a kaihhruaina-a hmasawnna hrang hrang a neih chungchang ah BJP National Secretary, Anil Antony chuan nimin khan Aizawl Press Club-ah thutharthehdartu te a kawm.

    BJP National Secretary chuan India in sum leh pai dinhmuna khawvel huapa 4-na a hauh theih dan te sawiin, ramchhunga Highway km 60,000 chuang kum 11 chhunga siam a ni tih sawiin, ramchhung hmun hrang hrangah Metro, Airport leh kawng tha tak tak siam a ni, a ti a. Mizoram chungchang sawiin, Bairabi-Sairang Railway Project leh Kaladan Multi Modal Transit Project te chu Prime Minister Narendra Modi sawrkar kaihruai sawrkar hnuaia siam a ni, a ti a. Mizoram mai bakah a bulhnai State ten kawng tinreng ah an hlawk pui dawn thu a sawi a, kum 11 chhunga hmasawnna hrang hrang awm chu kum 2047-a India in hmasawnna tluantling a neih theihna tura hmalakna te a nih thu a sawi bawk.