Khawbung Higher Secondary School Hostellers 60 tan Minister in buhfai quintal 6 a pe

Supply Minister B. Lalchhanzova chuan Khawbung Higher Secondary School Managing Board te dilna angin Khawbung Higher Secondary School Hostellers 60 tan buhfai quintal 6 a pe.

Khawbung Higher Secondary School Hostel hian Welfare Institution hnuaiah buhfai hi dawng thinin Central lama thil tihfel ngai a awm avangin hun engemaw chen chu an buhfai dawn a khaihlak a. School Managing Board dilna angin hun khaihlak chhunga an eitur buhfai quintal 6 chu Supply Minister-in a pe chu an lawm hle tih an sawi a ni.

Khawbung Higher Secondary School Hostel-ah hian thingtlang khaw hrang hrang atangin an lut khawm a. Electric leh Tui Bill te chu Managing Board in tum sakin, tualchhung atangin mi inphalte'n chawhmeh – thlai hnah leh thlai rahte an pe thin a. Welfare Institution atangin buhfai kg 1-ah Rs. 6-a lain, Thlakhat-ah Mess Fee Rs. 500 atanga Rs. 1000 thawhin, senso hau tak lo takin thingtlang chhungkaw harsa te pawhin zirna an chhunzawm theih phah a; Hei hi School Managing Board thil tum ber pakhat a ni.