Kawng laihna tur sum pechhuak turin ngen

Zonuna Kawlni /

Chief Minister Lalduhoma chuan Mizoram tlawha lo zin mek Union Minister of State for Road Transport & Highways Ajay Tamta hnenah Silchar atanga Aizawl Four lane laih mekah Kawnpui leh Sairang inkar hnathawhna tur sum pechhuak rang turin a ngen.

Chief Minister chuan he kawngpui hi India ram laili nena inkalpawhna kawngpui pawimawh bik a ni tih sawiin, Kawnpui leh Sairang inkar chu kutthlak a nih rih loh avangin nikum Fur-ah nasa takin harsatna an tawh thu leh kuminah pawh harsatna an tawk leh mek tih a sawi a, a inkar hnathawhna tur sum chu sawrkar laipuiin a la pechhuak lo tih sawiin, Mizoram chak lakna kawngpui ber anih avangin hmalak pui thuai turin a ngen a ni. Chief Minister hian, Mizorama National Highway te chu awlsam zawk leh rang zawka thawh a nih theih nan Strategic Highway-a puan tha a tih thu te, Fur ruahtui tlak tamna ram a nih vanga Concrete zela kawngpui siam tha a tih thute a lo hrilh a. Heliport din tura hmalakna kal mek chanchin a sawipui bawk.

Union Minister Ajay Tamta hian Chief Minister thil sawi te chu theihtawp chhuahin a lo bawhzui tih a sawi a. Inkawmna hun tha tak a siamsak avangin a lawm thu a sawi bawk.

Union Minister of State hian niminpiah khan Hnahthial District pawh tlawhin Samagra Shiksha hnuaia Higher Secondary School building sak a tlawh a, hemi zawh hian DC Conference Hall-ah District chhunga mi pawimawh te kawmin Central Scheme hrang hrang an sawiho a, District chhunga hmalakna kal mek te leh hmachhawp hrang hrang te sawiho a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »