Hna zawngtute dikna chanvo rahbehna niin sawi

Centre for Environment and Social Justice (CESJ) chuan dan bawhchhiaa NHM hnalak chu hna zawngtute dikna chanvo rahbehna leh palzutna anih thu an sawi.

CESJ chuan tunhnaia Health Department hnuaia hna lakah Advertisement pawh chhuah lova National Health Mission (NHM) hnuaia post 7- Lab. Technician 3, Staff Nurse 2, Asst. Data Manager 1 leh Executive Asst. 1 te chu Advertisement tello a lak ngei an ni tih an sawi a, he hna lak hi cancel leh turin NHM hotute an ngen tih sawiin, Sawrkar hnaruak chu Employment Exchange-a Registration Card neite’n an hriat vek theih nan hnaruak neitu Department chuan Employment Exchange a hriattir (notify) tur niin The Employment Exchange (Compulsory Notification of Vacancies) dan a awm bakah Supreme Court-in Order a chhuah ang in Employment Exchange hriattir mai bakah chanchinbu ah pawh hnaruak advertisement hi tihchhuah thin tur a ni anih laia Advertisnment pawh chhuah lova hnalak a ni chu thalai hna zawngtute dikna chanvo rahbeh leh palzutna a ni, an ti a. NHM hnalak dan chu rorelna fel lo leh dik lo ah ngaiin cancel turin an duh bakah hna zawngtuten rualkhai taka dil theih turin Advertisement chhuah turin an ngen a ni. 

Tarlan tawh angin hemi hmalam hian Mizo Zirlai Pawl (MZP) General Headquarters chuan NHM hnalak chungchangah hian thuchhuah siamin an duhloh thu an sawi a, Advertisement leh dan tlawhchhan awm mumal lova hna lak a awm ngei thu an sawi bakah, tun thla ni 10 ralhma ngeia heng hna lakte hi sut nghal turin sawrkar an ngen a ni.