Election Commission-in Index Card leh Statistical Reports buatsaihna tur ruahman

Chief Election Commissioner Gyanesh Kumar leh Election Commissioner pahnih Dr. Sukbhir Singh Sandhu leh Dr. Vivek Joshi te kaihhruai Election Commission of India chuan tunlai thiamna hmanga awlsam zawka Index Card leh inthlan kaihhnawiha Statistical report hrang hrangte buatsaihna tur a ruahman a. Tunhma atanga kutziaka buatsaih thin heng report hrang hrangte hi khawl hmanga buatsaih a ni dawn a ni.

ECI hmalakna hnuaiah inthlan kaihhnawih data hrang hrang awmna Index Card hi Researcher te, Academia te, Policymakers te, Journalists te leh mipui vantlang ten an hriat theihna tura buatsaih thin a ni a. Index Card-ah hian Candidate chungchangte, Electors chungchangte, vote tlak dan te, vote chhiar zat te, party leh candidate vote hmuh dan te. mipa leh hmeichhia vote thlak dan te, Bial hrang hranga vote tlak dan te leh party hrang hrangte dinhmun tarlan thin a ni a. Lok Sabha Election atan Statistical Report 35 leh State Assembly election atan Statistical Report 14 buatsaih thin a ni. 

Heng Report-ah te hian inthlanna chungchang zirchiang duh te tana hriat theih turin State/PC/AC Bial anga voters awm zat te, Polling Station awm zat te, State pum ang leh Constituency Bial khata vote tlak dan te, hmeichhe candidate vote hmuh dan te, national leh state party te vote hmuh dan bakah Registered Unrecognized Political Party (RUPPs) te vote hmuh dan kimchang taka ziah thin a ni a. Index Card hi secondary statistical report anga research kaihhnawiha zir chian theih tur atana buatsaih niin, primary data chu a bialtu RO ten an buatsaih thin a ni.