Chief Minister hovin Crop Insurance Scheme sawiho

Zonuna Kawlni /

Nimin khan Chief Minister Lalduhoma hovin Crop Insurance Scheme - Pradhan Mantri Fasal Bima Yojana (MPFBY), 2025-26 chungchang sawihona neih a ni a, he hunah hian Agriculture Minister PC. Vanlalruata leh Agriculture Department Officials bakah Finance lam aiawhte an tel a ni.

Chief Minister Pisa-a thutkhawm ah hian Agriculture Department changtu Secretary Ramdin-liani IAS chuan kum 2016 atanga India rama hman tan tawh Pradhan Mantri Fasal Bima Yojana chungchang sawifiah hmasa in Mizoram-a kum 2025-26 chhunga kalpui dan tur an sawizui a ni.

Khawkheng, tuilian, thlai hrik leh natna hri, leimin, natural fire, Tek, thlipui leh rial vanga chhiatna te insure theih a ni a. A insurance leina man (premium rate) hi Fur thlai Cereals & Pulses-ah 2% leh Commercial Crop-ah 5% a ni a. Thlasik thlai ah Cereals & Pulses chu 1.5% leh Commercial ah 5% a ni a. Horticulture Crop dang pawh a awm bawk a, Season khat chhung atan zel a ni. Kum dangah chuan Insurance Company rawn intatlut duh te zawn thin a ni a, kumin ah hi chuan Government of India undertaking Agriculture Insurance Company te nena hmalak ho a tha dawna ngaih a ni.

MPFBY kalphungah hian Central Share, State share Seh loneitute tum ve tur te a awm a. Loneituten an pek ve tur chhawk zangkhai dan an rel nghal a ni a. Mizoram sawrkar chuan loneitute (crop insurance) Premium pek ve tur hi thahnem tak tumsak nise an ti a. Hemi atana bawhzui ngai te bawhzui nghal a ni anga, Crop Insurance Scheme 2025-26 hi puan theiha peih thuai a ni ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »