Chak taka hmalak a ni tih sawi

Power and Electricity Department changtu Minister F. Rodingliana chuan Mizoram sawrkar thil tum pawimawh berte zingah kawlphetha a intodelh hi a tel avangin chu thil tum hlenchhuak tur chuan Mizoram Sawrkar chuan chak takin hma a lak mek thu a sawi.

Indian Electrical and Electronics Manufacturers' Association (IEEMA) buatsaih, North-East Power Conclave chu June 17, 2025 khan Guwahati-ah neih a ni a, he hunah hian P&E Minister F. Rodingliana pawh telin Mizoram-a Hydel Project leh Ni zung (Solar) hmanga kawlphetha tam zawk tharchhuak tura hmalakna ah IEEMA memberte tel ve turin a sawm a. Ni zung hmanga kawlphetha siamchhuah chungchanga Mizoram Sawrkar hmalak mekna te tarlangin, Solar Plant siamna tur Mizoram hmun hrang hrangah ruahman a nih tawh thu leh Solar plant bunna tur ramte hi a thlawna hman hawh tur a nih thu a sawi a. 1st phase atan Solar plant bunna tur Expression of Interest (EOI) hmun 5 thlanchhuah tawh a nih thu a sawi a i.

He hunah hian Power & Electricity Department Secretary K. Lalrinzuali pawhin Mizoram chu tlangram, Fur ruahtui tamna hmun a nih avangin Mizoram mil tur khawl leh bungraw zangkhai leh tlo mamawhna a nasat thu a tarlang a. Heng a mamawhna hrang hrang phuhru turin leh kawl-phethaa intodelh tura hmalakna ah hian IEEMA member-te chu thawhpuiah a sawm bawk a ni. 

He hun a tarlan danin Indian Electrical and Electronics Manufacturers' Association (IEEMA) hnuaiah hian India rama electrical leh electronic bungrua siamchhuaktu company thahnem tak an inziaklut a. Tun dinhmunah hian member 1200 chuang an awm mek a. Ni 2 awh heConclave-ah hian India rama electrical leh electronic bungrua sia chhuaktu langsar ten an thil siamchhuah thar te an phochhuak a, North East a power sector hmasawnna tur thil pawimawh hrang hrangte sawiho a ni bawk.