June 21 atangin thingtlang khua te faina endik dawn

India rampum huapa Swachh Bharat Mission (Grameen) hnuaia thingtlang khaw 21,000 te endikna tur, Swachh Survekshan Grameen (SSG), 2025 inhrilhhriatna hun, ‘State Level Workshop on Swachh Survekshan Grameen (SSG)’ chu nimin khan Project Management Unit, PHE Department buatsaihin PHE Engineer-in-Chief Office Conference Hall-ah hman a ni a, endikna tura tehkhawng hrang hrang duante he hunah hian zirchianna hun hman nghal a ni. Sawrkar laipui remruat angin Mizoram thingtlangte faina lama an dinhmun endikna hi Independent Agency, Academy of Management Studies (AMS) te nen tangkawpa neih tur a ni a, ruahman dan chuan June ni 21, 2025 atangin endikna hi neih tur a ni a, Mizoram khaw hrang hrangte chu a hmunah endik tur a ni.