Zirtirtu sawn tum duh lovin hmalakna kalpui zel

Zonuna Kawlni /

Lawngtlai District chhung Lungtian khuaa Govt. Modern High School-a Mathematics zirtirtu H.Lalhmingmawia chu Govt. Aizawl High School-a sawn anih chungchangah Joint Co-ordination Committee Lungtian hmalakna in lungawi lohna lantir niin nimin khan Zirtirtu leh Zirlaite School kai tur chu dan an ni.

Joint Coordination Committee Lungtian te hian May ni 27 khan thuchhuah siamin H. Lalhmingmawia sawnchhuahna order sut anih loh chuan a aiawh Regular Teacher (Mathematics Zirtirtu) May thla ralhma ngeia dah turin Sawrkar an phut a. An thilphut chu tun thlengin a hlawhtlinna an la hmuhloh vangin nasa zawkin Sawrkar nawrna hi nimin atang khan kalpuiin Sawrkar in an ngenna a tihlawhtling lo anih chuan June ni 12 atangin tiamchin awm lovin kawngpui dan a, Total Bandh neih an tum thu an sawi bawk a ni.

Hetihlai hian Govt. High School Tlabung-a Mathematics Zirtirtu sawnchhuah tumna awm duh lovin Zirtirtu sawn tum hi dan mek a ni bawk a, TLabung-a tlawmngai pawl hrang hrangte thukhawm chuan Govt. Tlabung High School-a Mathematics Zirtirtu sawnchhuah tumna chu an duh lo tih sawiin, June 2, 2025 hma ngeiin transfer order sut turin sawrkar an phut thu an sawi a. Govt Modern High School, Lungtian-a Mathematics zirtirtu chu Aizawl-ah sawn a ni a, hemi thlakna atan hian Govt. Tlabung High School-a Mathematics Zirtirtu chu sawn a ni ve leh niin an sawi a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »