Bairabi-Sairang Rel kawng peihfel a nih thu puang

Zonuna Kawlni /

Bairabi-Sairang Rel kawng chu Commissioner of Railway Safety atanga pawmpuina hmuh a nih hnuah National Railway nen thlunzawma hman theiha peihfel a ni.

Northeast Frontier Railway Chief Public Relations Officer Kapinjal Kishore Sharma chuan Akashvani palai zawhna chhangin Sairang atanga Bairabi inkar Rel kawng kilometre 51.38-a thui chu Commissioner of Railway Safety (CRS) ten a him tawk tih an endik hnuah niminpiah khan tlan tura engkim peihfel a ni tawh tih a sawi a, sawrkar laipuiin hawn phalna an pek veleh Rel kawng hi hawn a ni dawn tih sawiin, an hawn thuai a beisei tih a sawi bawk.

CPRO chuan tun thla, June ni 6 atanga ni 10 inkarah khan Hortoki atanga Sairang inkara Rel kawng KM 33.864 chu Commissioner of Railway Safety (Northeast Frontier Circle) Sumeet Singhal-a'n uluk takin a endik tih a sawi a, Rel kawng hi Motor Trolley hmang leh ke a kalin an endik a, hemi zawh hian Diesel hmang Rel, Diesel locomotive hmangin chak taka tlan tir chhinin Speed Trial neih a ni tih a sawi a. Mizoram khawpui Aizawl chu hmarchhak Bial-a Rel-in a tlawhpawh khawpui 4-na a ni.

Tarlan tawh angin Northeast Frontier Railway (NFR) siam Bairabi to Sairang New Line Rel kawng hi kilometre 51.38 a thui a ni a, Section 4-ah then darh niin, Bairabi - Hortoki km 16.72 a thui, Hortoki - Kawnpui km 9.71 a thui, Kawnpui - Mualkhang km 12.11 a thui leh Mualkhang - Sairang km 12.84 a thui a ni a, he Rel kawng thar ah hian Leiverh 48, Lei lian 55, Lei te 87, Road Over Bridges 5 leh Road Under Bridges 6 a awm bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »