Nimin khan Serchhip-ah District Legal Services Authority hmalakna in 'The Mizoram Victims of Crime Compensation Scheme' hnuaiah Serchhip District chhunga pawi khawihna tuartu mi pathum te hnenah zangnadawmna Rs. 3,50,000/- pek an ni a, an zinga mi pahnih hi kum tlinglo khuaikhem tawkte an ni a, pakhat hi midang kut tuar avanga nunna chan a ni. Kumtling lo khuaikhem tawk pahnih te hnenah Rs. 75,000/- ve ve pek niin, ramvahnaa mi kut tuara boral chhungte hnenah Rs. 2,00,000/-hlan a ni bawk. Nimin a zangnadawmna hlanna hun hi District Legal Services Authority Secretary Josangzeli Tlau chuan a kaihruai a ni.
