Serchhip-ah Mizoram Junior Athletics Meet 2025

Zonuna Kawlni /

Nimin khan Serchhip Sports Complex-ah Mizoram Junior Athletics Meet 2025 chu neih tan a ni a, Serchhip District Sports & Youth Officer Dr. Marilyn Lalruatkimi chuan a hawng a ni.
 Mizoram Athletics Association buatsaih ni thum chhung awh tur Mizoram Junior Athletics Meet 2025 hawnna hunah hian Serchhip DSYO Dr. Marilyn Lalruat-kimi chuan Serchhip-ah State Level Athletics Meet nghah a ni chu lawmawm a tih thu a sawi a. He Meet thleng tur hian Serchhip District Sports Association ten theihtawp an chhuah thu leh, a tihlawhtling turin participant te chu thuawihna nen theihtawp chhuah turin a chah a. Infiammite chu hlawhtlinna chang turin taimak chhuah zel tur leh ruihhlo laka fihlim turin a chah bawk.

Mizoram Junior Athletics Meet 2025-ah hian District pali atangin infiammi 27 an tel a. Aizawl District atangin 5, Lunglei District atangin 1, Champhai District atangin 17 leh Serchhip District atangin mi 4 ten intlansiak, High Jump leh Long Jump, Javelin Throw leh Shot Put-ah te an inel dawn a. Nimin-a a hawnna hun hi MAA Sr. Vice President Lalbuanga Sailo chuan kaihruaiin MAA General Secretary Lalramzauvan inhmelhriat tirna neiin report a pe bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »