Bawrhsap hovin thukhawm

District Level Committee on Disability chu nimin khan Serchhip-ah an Chairman leh District Bawrhsap Paul L. Khuma hovin Serchhip DC Meeting Room-ah an thukhawm.
He hunah hian sawrkarin pianphunga rualbanlote a ngaih pawimawh thu tarlan niin, vantlang hmun hrang hrang- Damdawi In, Biak In leh zirna In-ah te leh vantlang inkalpawhna hmanraw hrang hrangah te wheelchair leh tiang hawla kal ten awlsam taka an kaltheihna tur siam a tul thute sawi a ni a. RPwD Act in a tarlan angin sawrkar department hrang hranga hna lakah 4% aia tlem lo an tan hauh lawk thin tur anih thute, zirna sang zawka zir tur tan pawh Seat za zela 5 hauh sak an nih thu sawi a ni bawk.

Hei bakah hian dinhmun harsa leh dawmkan ngai dinhmuna dingte hi sawrkar laipui in a ngai pawimawh em em a, an hmanraw mamawh te man tlawm zawka an hmuh theihna tura ruahmanna siam sak an nih thu leh Disable Certificate an mamawh pawhin thuneituten a tul anga lo buaipui sak thuai zel nise tih a ni bawk.