YMA in ITI Building sak tawh a him nan hmalak rel

Serchhip Sub-Hqrs. YMA chuan Bukpui-a Industrial Training Institute (ITI) building sak zawh tawh chu a him theihna turin hmalak an rel.

Serchhip Sub-Hqrs. YMA hian nimin khan an Office-ah Sub-Hqrs. Coordination Committee (SCC) thutkhawm neiin tunhnaia Sub-Hqrs. YMA Rorel Inkhawm neih zawh taka an thurel bawhzui dan tur an sawiho a. Bukpui-a Industrial Training Institute (ITI) building sak zawh tawh mumal taka a function theihna tura hmalak an rel chu a building hi sak zawh tawh ni mah se mi thenkhat ten Electric Wiring an tihchhiat leh tawh thu leh darthalang thenkhat te pawh tihchhiat a nih thu tarlan a ni a. He Building hi tun thla ni 17 khian a hmunah tlawha enfiah relin a Building hi a him zel theihna turin Serchhip Bukpui Branch ten a theih angin hma lo la se an ti a. Thenzawl leh Zote South inkar kawng Alkatra hmanga Seal Coat a nih theihna tura hmalak an rel chu sawrkar hotute hnenah thlen nise an ti bawk.

Nimin-a SCC thutkhawm hi an President Kawlthuama chuan kaihruaiin April 30, 2025-a YMA Rorel Inkhawm vawi 5-na in YMA Khawih a rel pathum, Ruihhlo Do chungchanga Branch YMA ten nasa zawka hmalak te; Aia upa zah kawngah Member ten hma an sawn zel theihna tura hmalak leh YMA Chhang te puala Mizo Hnam Lam leh Infiamna Kutpui buatsaih rel te chu SEC in bawhzui zel dan tur lo ruahman se an ti bawk.

SCC Meeting-ah hian YMA Rorel Inkhawm an neih zawh tak pawh thlirletin Branch leh Group hrang hrang ten kumin atana an budget te an pek dan tur ruahmanna pawh an siam nghal bawk a ni.