RD&AD leh BRLF ten thawhdunna tur an ziak

Zonuna Kawlni /

Rural Development & Administration Department chuan Mizoram thingtlang khua a chhungkaw harsa zawkte chhawmdawlna kawnga chak zawka hmalak a nih theih nan Bharat Rural Livelihood Foundation (BRLF) chu kum 3 (thum) chhung atan thawhhona thuthlung, Memorandum of Understanding (MoU) an ziahpui.

He thawhhona thuthlung hi nimin khan Minister Prof. Lalnilawma hova ziah a ni a, he thawhhona hnuaiah hian Bharat Rural Livelihood Foundation (BRLF) hian Mizoram chhunga Rural Development kaihhnawih, Sawrkar Scheme leh programme hrang hrangte awmze nei zawk leh hlawk zawka kalpui a nih theih nan State Sawrkar a thawhpui anga. Natural Resource Management hnuaia activity hrang hrang- tuihna humhalh, ramngaw leh nungcha humhalh bakah agriculture productivity lam-a thingtlang miten hmasawnna an neih theihna tur kawngah Department hrang hrangte leh an scheme neih hrang hrangte hmanga thawhho (convergence) dan tur ruangam a siam anga. Central Schemes hrang hrangte awmze nei zawka kalpui a nih theihnan Rural Development & Administration Department nen an thawkdun dawn a ni. Heng bakah hian thingtlang loneitute tan tui luang ral tur humhalhte, hlawk zawka Groundwater Management an neih theihna tur leh Non-Pesticide Management-based Agriculture nasa zawka kalpui a nih theihnan hmalak a ni anga. Loneitute tharchhuahte hlawk zawka kalpui tum niin BRLF te hian a tul angin loneitute hnenah training an pe thin bawk ang.

He thawhhona thuthlung Memorandum of Understanding (MoU)-ah hian Rural Development & Administration Department aiawhin V. Lalengmawia Additional Secretary leh Bharat Rural Livelihood Foundation (BRLF) aiawhin Kuldip Singh, CEO ten an hming an ziak a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »