Mitdel kutdawh chungchangah thuchhuah siam

Mizoram Blind Society (MBS) chuan niminpiah khan thuchhuah siamin Mitdel, zai hmanga mipuite khawngaihna dil thinte hming pasarih an tarlang a, chung mite chu an dinhmun Society pawhin a hriatchian thu leh mipuite khawngaihna tling khawm hmanga anmahni leh an chhungte chawm an nih thu tarlangin, eizawnna ngialnghet leh rintlak sawrkarin a pek theih hma chu an eizawnna hmuh theih ve chhun hi khap lova lo hrethiam hram hram turin Mizoram sawrkar, tualchhung thuneitute leh Zoram mipuite an ngen tih an tarlang a ni. Hei bakah hian tunhnai deuh atangin hnamdang kutdawh Aizawl khawpui chhungah an pung nasa hle tih an tarlang bawk a, chung zingah chuan mitdel leh rualbanlo dangte pawh awm nualin heng mite hi MBS chuan an hriatpui loh thu an tarlang a, Mizoram sawrkar leh tualchhung thuneitute chu heng mite buaipuina kawngah hian ram leilung fate chu ang khata en lo turin an ngen bawk a ni.