Ramchhung hmundang rualin Mock Drill nei

Indona leh inbeihna thleng palha mipuite inpuahchahna dinhmun hriat nan ramchhung District 244-ah nimin khan Mock Drill neih a ni a, Aizawl District-ah pawh hmun hrang hrang thlan bikah Mock Drill hi buatsaih a ni.

Sawrkar laipui Ministry of Home Affairs hmalakna in Defence Mock Drill hi neih a ni a, indo thlawhnaa inbeih thulha inralrinna Air Raid Sirens hman dan turte leh Civil mite leh zirlaite tan hmelma te beihna thlen thula mahni inralrin leh inven dan turte enchhin a ni a. Hei bakah hian indo thlen thulha harsatna thleng thei hrang hrang kawlphetha chhia avanga buaina leh hmun pawimawh hum dan turte leh insaseng dan turte pawh enchhin a ni bawk a ni. He Mock Drill hi ramchhunga indo leh harsatna liantham thlen thula mipuite lo inbuatsaih lawk theihna tura duan a ni.

Aizawl-ah chuan he Mock Drill hi Tuikhuahtlang AIR Station leh Civil Hospital inkarah chhun lamah neih a ni a, chawhma dar 11:00-ah Aizawl DC Office atangin Siren tihrik niin tlai dar 6:30 leh 6:35 inkarah Aizawl khawpui Power Supply tihtawp vek a ni a, Siren tihrik leh niin Aizawl khawpui chhung Black Out chhung hian lirthei tlan zawng zawngte chu awmhmun ah din tir an ni a, lirthei engine leh light pawh Off vek tura tih niin hetiang hian Mock Drill hi neih a ni.