MZP in zirlai tithate chawimawina hlanin Home Minister in AIS-a lut turin zirlaite a fuih

Zonuna Kawlni /

Mizo Zirlai Pawl (MZP) General Hqrs. chuan High School Leaving Certificate (HSLC) Examination 2025 Top 10-a Mizo tlingte chawimawina hun nimin khan Aizawl-a Vanapa Hall-ah a buatsaih a, he hun hi Home Minister K. Sapdanga, Home Minister chuan Khuallian niin hun a hmanpui a ni.

MZP in HSLC Exam-2025 a tithate chawimawina hun an buatsaih ah hian Home Minister K. Sapdanga chuan Zirlai pass thar zawng zawngte chu an thiamna aiin an tumruhna a pawimawh chho dawn tih hrilhin, tumruhna nen hmalam pan turin a fuih a. Zirlaite tan mahni tuina kawng thlân fimkhur a pawimawh thu leh chu chuan an hmakhua thui tak a hril dawn tih a sawi a ni. Home Minister chuan Mizo mipuite tuihalna leh rualawhna leh ramin tuna a mamawh ber chu All India Service-a Mizo kan luh a ni tih pawh sawiin, “Mizoten kum 10 chuang IAS Direct a inziak tling kan nei tawh lo a, IPS pawh kan neih lohna a rei tawh hle a. Mizo zirlaiten chonaah ngaiin All India Service-ah lut turin theihtawp lo chhuah rawh u,” tiin a fuih a. District hrang hrangah Mizo DC leh Mizo SP an duhna a ri ring hle tih sawiin, chutiang dinhmuna ding thei Mizo kan tlem tawh thu leh duh mah ila dah tur an awm loh thu a sawi a. Mizo zirlaite lo chu he kan ram tuihalna chhawk thei an awm lo tih a sawi bawk.

Nimin-a MZP in Zirlai tithate an chawimawina hun hi an pawl Vice President Dr. C. Lalremruata chuan kaihruaiin HSLC Exam-a Top 10-a Mizo tling te hnenah chawimawina hi hlan a ni a, mipa 13 leh Hmeichhia 9 te chawimawi niin Zirlaite hi chawimawina thuziak an hlan bakah Topper hi Rs. 10,000/- an hlan a, pahnihna atanga sawmna te hi Rs. 5,000/- theuh hlan an nih bakah F. Vanlalrochana lehkhabu ziah 'Chhungril chakna' leh Lalhmachhuana Zofa lehkhabu ziah 'Mizoram GK Mini Edition' leh 'Duhthusam Ram' tih Lehkhabu te hlan an ni.

He hunah hian MZP General Hqrs. President H. Lalthianghlima chuan MZP-in HSLC Top 10-a Mizo tlingte chawimawina a hlan thin chhan chu Mizo zirlaite inkârah inelna thianghlim a awm theih nan a ni rih sawiin, Sawrkar enkawl School 13 laiin zirlai pass nei lova an fail chu ennawn turin sawrkar an ngen tih a sawi bawk.

MZP hian HSLC Exam-a Top 10 a Mizo tlingte chawimawina hi kum 1995 atang khan kumtin an buatsaih thin a. Kumin a HSLC Exam-ah hian MZP Inter High School Quiz a tel zirlai pang (5) te Top-10 ah hian an lang a ni. 

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »