NLUP changtlung zawk hmangin Zoram tuam leh tum

MPCC President Lal Thanzara chuan NLUP changtlung zawk hmangin Zoram àn tuam leh dawn tih a sawi.

    Mizoram hmarlam tlangdung fanga zin mek MPCC President Lal Thanzara hian nimin khan NE Tlangnuam, Daido leh Suangpuilawn te tlawhin Congress Party hruaitute leh Kuthna-thawktute a kawm a, Research based veka hmala nghal tura inzuar ten engmah ruahmanna mumal an lo neih loh avangin Kuthnathawktu ten sum nasa tak hlohin sawrkarin sum tam tak a hloh bawk niin a sawi a. “Sawrkar a hlawk lova, kuthnathawktute an hlawk hek lo,” a ti. MPCC President chuan “ZPM sawrkarin an intiamna 'DAH' chu a takin an ti hlawhtling. Hmun hrang hrangah ZPM sawrkar hmalakna in kuthnathawktu ten Sawhthing hralhna hre lovin an Lo ah te, Huan ah te leh an kawtkaiah an 'DAH' nghek nghuk a, DAH hlawhtlin dan chu a lungchhiat thlak takzet a ni,” a ti. Congress chuan Pathian lam tang, mite ber te hnen thleng phak NLUP an nei tih pawh sawiin, “NLUP changtlung zawk hmangin Zoram kàn tuam leh dawn a. Mipui kutah sum leng vak nasa takin a tam leh ang a. Sum vang lutuk vanga sumdawnna dik lo ruihhlo hluar leh tawlh hi a reh tawh ang,” a ti bawk.