MNF Thalai ten ngaihdam dil turin an phut

Zonuna Kawlni /

MNF Thalaite chuan Hmunphiah chungchang ah Adviser to Chief Minister chu thu diklo sawi ah puhin, mipui a ngaihdam dil tura an phut thu an sawi.

Nimin a thuchhuah an siamah MNYF chuan tunhnaia CM Adviser Dr. KC. Lalmalsawmzauva’n ‘Mizorama Hmunphiah te Sawrkarin a lei zo vek tawh’ tia a sawichhuak chuan Mizoram mipui a barakhaih nasa hle niin an tarlang a. Nimin khan Mizoram hmun hrang hranga Hmunphiah chinna hmunte chu MNYF Hqrs. leh MNYF Blocks hruaituten a hmuna kalin an tlawh thu leh hmun hrang hrangah Mizoram sawrkarin Hmunphiah lei miah lohna khua leh bial a tam hle tih an hmuchhuak tih an rarlang a. Hachhek Bial, West Tuipui Bial, Mamit Bial, Dampa Bial leh Thorang Bial-ah te khaw tam takin Hmunphiah an ching a, heng khua ah te hian Mizoram sawrkarin a intiam angin Hmunphiah a lei miah lo tih an hmuchhuak niin an sawi a ni.

Hmunphiah chingtute Hmunphiah hralhna hre lova lungngaia an tah laia CM Adviser Dr. KC. Lalmalsawmzauva'n dawt chiang tak sawia mipui a bum chu demawm an tih thu MNYF chuan sawiin, mipui ah ngaihdam a dil ngei an phut tih an sawi a. “ZPM kaihhruai Mizoram sawrkar in Hmunphiah lei zo vek anga mipuite a bum duh hi mak kan tiin, Sawrkar kan dem tak zet zet a, Pu Lalduhoma kaihhruai Mizoram sawrkar in Hmunphiah kan lei zo vek a tih hi Dawt niin Kuthnathawktute hmuhsitna leh rahbehna nasa takah kan ngai a ni,” an ti bawk. 

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »