Compartment Exam buatsaih thuai tum a ni

Zonuna Kawlni /

Mizoram Board of School Education (MBSE) Chairman JH. Zoremthanga’n kumin HSSLC Exam-a Compartment zirlai 91 ten Admission an tlai lohna turin Compartment Exam buatsaih thuai an tum thu a sawi.

Nimin-a HSSLC result tihchhuah a nih velah MBSE Chairman JH. Zoremthanga chuan a Pisa-ah thuthar thehdarhtute kawmin kumin a Zirlai Compartment chance nei 91 ten Admission an tlai lohna turin Compartment Exam buatsaih thuai an tum avangin HSSLC Result-a complaint hun chu result chhuah atanga ni 7 a ni tih a sawi a, Exam zawhna te chu LOTS atangin 50-60% siam a ni a, abak 40-50% chu Application leh HOTS atanga siam a ni tih sawiin, Zirna in hma a sawn zel theih nan HOTS question telh tam tura ruahman a ni, a ti a, NEP 2020 zulzuiin subject pakhatah chauh Exam that ti duh tan a kum leh nghah ngai lovin Compartmental exam rualin kumin ah an exam nghal theih tih a sawi bawk.

MBSE Chairman chuan HSSLC exam tluang taka an zo thei leh ruahman lawk anga result an chhuah theihna chhan bulpui ber chu thawktute tanrualna a ni, a ti a, HSSLC pass zawng zawngte an lawmpui thu sawiin, a hlawhtling ve lote pawh beidawng mai lo turin a chah bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »