NH-302 siamna ah lung tha lo an hmang niin sawi

National Highway-302 Ngaihven Pawl chuan NYH-302 siamtu te’n Tlabung leh Tuichawng inkara an lung hman thenkhat chu a tha tawk lo tih sawiin, a rang lama lung tha zawk hmanga thlak turin hnathawktute an hriattir.

NH-302 Ngaihven Pawl hruaitute chuan zin veivakte hnen atanga ngenna an dawn bawhzuiin Inrinni khan hmun thenkhata kawng siam hna thawh a nih dan an enfiah a. An hmuh theih chinah kawng chunglanga GSB phah atan lung pangngai leh lung chhia hman pawlh a ni nual ni a sawiin, a rang lama heng lung, quarry pangngai lung ni lo, kawng kama an laihchhuah chawp ni ngeia an hriat hi paiha lung chang zawk phah tha turin an enfiah laia lo awm hnathawktute an hriattir a ni. 

NH-302 Ngaihven Pawl ten kawng siamna atana lung hman an duhkhawp loh nia an sawi chu an pawmpui tih a hmuna awm ve kawng sial hna viltu BRN Infrastructure Pvt. Ltd. hotute chuan an sawi a, enfiahtuten an ngen angin lung tha lo zawng zawng chu zin veivak ten harsatna an tawh loh theih dan tur nia an hriat angin ruahtui tlak tawh loh hunah an lo paihfai vek tur thu an sawi a ni.