Municipal Area atanga chhuah duhin hming la

Hauruang khuaa Local Council huaihawtin Inrinni zing khan Hau-ruang Community Hall-ah Lunglei Municipal Council (LMC) atanga tal chhuah duh leh duhlo te hming lain Vantlang Inkhawm koh a ni.

He hun hi Hauruang Local Council Chairman Zothanmawia Sailo chuan kaihruaiin LMC atanga talchhuah duh leh duhlo hming ziahna ah hian kalkhawm te chuan LMC atanga talchhuah an duh tih hming ziakin signature an pe a, LMC a la awm zel duh an awm lo a ni nia thudawn a ni. Hauruang Local Council Chairman Zothanmawia Sailo chuan Mizoram puma VC leh Local Council inthlan zawh hnuah NGO Co-Ordination huaihawtin Meeting neih anih tawh thu leh chutah chuan LMC atanga talchhuah dan ngaihtuah a hmalak nise tih an dah a, hemi bawhzuina kalzelah he hun hi buatsaih an ni tih a sawi a. Ruahmanna an siam dan chuan tunkar hian Chief Minister emaw, Home Minister emaw hmuh nise an ti a. NGO ten thu an pass hnu lawk khan Mizoram Larsap hmuh tumin appointment an siam erawh tun thleng hian a hlawhtling ta lo a ni, a ti.

Hauruang khua hi Lunglei leh Tlabung Road, Lunglei leh Phairuangkai khaw inkar a awm a ni a, In 100 bawr vel niin mi tam ber chu kuthnathawka eizawng an ni. Huaruang bakah hian Lungpuizawl leh Zobawk khua te pawhin LMC atanga talchhuah an duh thu an lo au chhuah pui tawh thin a ni.