Sericulture Deminstrator lakna chhuichian phut

Mizo Zirlai Pawl (MZP) chuan Sericulture Demonstrator lakna chu chhuichian vat an phut thu an sawi.

Nimin khan MZP General Hqrs. chuan Aizawl-a an Pisa-ah Extended OB Meeting neiin Sericulture Department hnuaia Sericulture Demonstrator post 4 hawhkhat tura hna lak chungchang an sawiho a. He hna lakah hian thil felhlel a awm ngei nia an hriat thu sawiin, mi thenkhat ten Examination Hall-ah Mobile phone keng lutin Paper-I (English leh G.K) entawn an awm ngei nai an hriat thu an sawi a. Hetianga hnalak diklo hi exam beitu thenkhat ten complain chungin kaltlangpui luih niin an sawi a. Hetianga dik lo taka hnalak hi chhuichiang vat turin Sericulture Department hotute chu an ngen a, tun thla ni 21 (Nilaini)ral hma ngeia hnalak dan chhuichiang tur Inquiry Committee din turin sawrkar an ngen nghal a. He hnalak hi Mizoram Direct Recruitment (Conduct of Examination) Guidelines 2018; Sl. No. 24- Instruction to Candidate; Sl. No. 27- Dutes of Invigilator te nen inkalh ah ngaiin, hetiang thil sawi tur a awm fo chu pawi an tih thu leh Zirlai hna zawng mekte thlavang hauhin hma an lak zel dawn thu an sawi a ni.

MZP thuchhuah in a tarlan danin Sericulture Department hnuaia thawk tur Sericulture Demonstrator post 4 atan hian Feb. 17, 2025 khan Advertisement tihchhuah a ni a, Level 4 pax matrix niin mi 41 te dilna pawmin mi 14 te reject an ni a. Mi 38 ten April ni 8 leh 9 chhung khan Exam beiin mi 32 te chu May ni 7, 2025 khan Personal Interview tura koh an ni a. Heng mite atangin mi 4 te chu thlanchhuah an ni a, May 8 khan appointment pek an ni.