Minister in ‘Seven Golden Articles Vol-II’ tlangzarh

Zonuna Kawlni /

Information & Public Relations Department changtu Minister Dr. Vanlalthlana chuan nimin khan Ruata Chawnghlut lehkhabu buatsaih ‘Seven Golden Articles Vol-II’ chu a tlangzarh.

Aizawl I&PR Auditorium-a lehkhabu tlangzarhna hunah hian I&PR Minister chuan Digital Age-a kan chen mek lai a lehkha phek ngei hmang a thuziak tha tak tak lakhawm a, a bu a khawr pum tur hian taimakna leh inpekna thuk tak neih a ngaih thu a sawi a, Mizo mipui tana tha leh tangkai tur thlangchhuak tur phei chuan ram leh hnam hmangaihna thuk tak neih a tul thu sawiin, hetiang rilru pu mi, thu leh hla lam a tui mite zingah mi tha tak tak kan nei thin chu lawmawm a tih thu leh he lehkhabu buatsaihtu a lawmpui thu te a sawi bawk a ni.

Ruata Chawnghlut buatsaih ‘Seven Golden Articles Vol-II’ ah hian Article pasarih a awm a. Chungte chu Prof. Darchhawna ziah ‘Mizoram hi ka Ram a ni’ tih te; Biakthansanga Khiangte ziah ‘Khawvel Chhanhim Rawh’ tih te; LB Tluanga ziah ‘Bye, Bye! School Run Nuam!’ tih te; Thatsavunga ziah ‘Ram leh Hnam Humhalh Dan Tur Chu’ tih te; Lalremliana Pachuau ziah ‘Kan Ram Dinhmun Dik Tak avangin ka mangang’ tih te; Dr. KC. Lalmalsawmzauva ziah ‘Easternisation’ leh ‘Ram Leilung Fa: Part I & II’ tih Lalchhanhima, Albert Vanlalruata, Joseph Lalzarliana, Lalhlimpuii Pachuau leh Rosaline Varsangzuali ten an ziah te a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »