Lungsen-ah hun hmang leh

Mipuite'n sawrkar hmalakna hrang hrangte an chhawr tangkai theih nan an khuaa kal chilha Service hrang hrang chhawp chhuahsakna tura Lunglei DC Office hmalakna, ‘I Kawtkaiah Sawrkar’ (Prashasan Gaon Ki Ore) hun chu Lungsen khua leh a chhehvel mipuite tan nimin khan Lungsen BDO Complex-ah buatsaih leh a ni a, he hunah hian sawrkar Department leh Office hrang hrangte chu mipuite dawr theih tura chhawpchhuah a ni. ‘I Kawtkaiah Sawrkar’ programme hi January ni 14, 2025 khan bul tan a ni a. Lungsen hma hian Haulawng, Ralvawng, Bunghmun leh Tlabung-ah te buatsaih tawh niin mi 3,194-in service hrang hrang chhawpchhuahte hi an chhawr tangkai tawh a, Bualte-ah neih leh tura ruahman a ni.