Lok Sabha MP in ngenna thlen

Zonuna Kawlni /

Mizoram Lok Sabha MP Richard Vanlal-hmangaiha chuan niminpiah tlai khan Union Minister of State for Road Transport & Highway Ajay Tamta chu New Delhi-ah hmuin Mizoram a kawng pawimawhte chu ruah tam hmaa a theih ang anga siam rang turin a ngen a, Lok Sabha MP chuan Mizorama ruahtui tlak hun chhung a rei avangin tuna National Highway No. 6 (NH-54 ni thin) Mizoram chak lak luhna ber Vairengte leh Sairang Buichali inkar siatthatna tura hmun thenkhata Tender an chhuah tawh chu a rang thei ang bera Furpui thlen hma ngeia a tam thei ang ber siam hman turin a ngen a. Minister pawn theihtawp a lo chhuah tur thu a hrilh bawk a ni. Hei bakah hian Lok Sabha MP chuan Mizoram chu ruahtui tamna hmun a nih avangin Mizoram chhunga kawngpui te chu a lo tlo zawk theih nan a tam thei ang ber chu concrete pavement (Rigid pavement) a siam a nih theih nan hmalakpui turin a ngen a. Concrete pavement hi Mizoram sawrkar leh Chief Minister duh dan a nih thu a thlen nghal a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »