Defence Mock Drill thlirlet

Nimin khan Chief Secretary Khilli Ram Meena IAS kaihhruaina hnuaiah Civil Defence Mock Drill neih zawh tak thlirletna chu CS Conference Room-ah neih a ni a, he hun hi District tina DC leh SP te pawhin Video Conferencing kaltlangin an chhim a ni. He hunah hian Chief Secretary chuan indona lo thlen thulha chhiatna nasa tak thleng thei laka kan lo inven dan tur emaw, a tuarnep deuh dan tur emaw hi tun atanga ruahmanna felfai tak siama, kan inpuahchah that a ngaih thu a sawi a. State leh District Level-a Advisory Committee din a tul thu te, District tina Satellite Phone pahnih (2) tal theuh neih a tul thu te, Hot Line mamawhna te, thingtlang kilkhawr zawka awm ten information an dawn theih nan Akashvani hman tangkai thiam a tul thu te a sawi a. District tin DC te chu an District theuh ah Civil Defence Mock Drill hi lo buatsaih ve turin a chah hlawm bawk a ni.