District pahnih CALA ten 4-Lane an sawiho

Kolasib District leh Cachar District-a Competent Authority for Land Acquisition (CALA) te chuan 4-Lane hmalakna kal chho mek zel chungchang chu niminpiah khan Kolasib Bawrhsap Robert C. Lalhmangaiha hovin an sawiho.

Kolasib DC Chamber-a he sawihona hunah hian 4-Lane Project kal meka chak taka hnathawh a nih theih nana hmalak dan tur te, a bik takin Package-2 hnuai, Vairengte khawchhunga compensate la tihfel loh te pawh chak taka hmalak a nih theih dan tur te sawiho a ni. Tuna harsatna awm avanga compensation la pekchhuah loh pawh NHIDCL lamin sawifiahin, tun atanga hun reilote ah chinfel a nih thuai dawn thu an sawi a ni.

He hunah hian Kolasib Bawrhsap Robert Lalhmangaiha chuan NHIDCL leh Forest te chu theihtawp chhuaha mipuite harsatna ngaihtuah chunga bawhzui ngai apiang bawhzuia, tan la lehzual turin a fuih a. Thil tih tur leh a tul apiang te inthlahrung lova a hnen thlen thuai thin tur leh hna chak taka thawh a nih theih nana thawhho pui turin a sawm a ni.