Sawrkar laipui dawr zui zel

Mizoram sawrkar-a Minister Prof. Lalnilawma chuan nimin khan sawrkar laipui Ministry New and Renewable Energy-a Secretary Santosh Sarangi chu hmuin Mizoram-ah Rural Development & Administration Department in Bio-Gas lam kaihhnawih a khawih dawn tak avangin hmalak dan tur a sawipui a. Mizoram tan Target te pawh siam thuai anih tur thu te an sawi a. Ministry of New and Renewable Energy Secretary chuan June thla chhunga Mizoram-a Bio-Gas chungchang Workshop rawn buatsaih thuai an tum thu pawi sawilan a ni bawk. Hemi hnu hian DM&R Minister Prof. Lalnilawma chuan National Disaster Management Authority (NDMA) Director, Mrinali Srivastava chu New Delhi-a Mizoram House-ah kawmin tun hnaia Mizoram-a chhiat tawhna thleng chungchang leh NDMA atanga tanpuina awm thei te a sawipui bawk.