Mizoram sawrkar website pahnih beih a ni

Zonuna Kawlni /

Nizan hmasa khan Mizoram sawrkar website thenkhat chu Pakistan mi nia insawiin tihchingpen tumin an bei a, heng te hian sawrkar thil khawih pawi a neih loh thu leh siamthat a nih tawh thu Information & Communication Technology (ICT) Department hotute chuan an sawi.

Akashvani in a kawmnaah ICT hotute chuan tunhnaiah Mizoram sawrkar website pahnih chu beih tum an awm anga an hriat thu leh heta langchiang tak chu nizan hmasa a MPSC website beih tumna a nih thu an sawi a. A website luh chiaha Screen lo langah thu thenkhat an rawn ziak mai tih loh chu thildang khawih an neih loh thu leh data hloh engmah a awm loh thu an sawi a ni. Nizan hmasa a MPSC website beih tumna awm ah hian website luhchiahin Pakistan mi anga insawiin thuziak an hnutchhiah a. Hetah hian saptawngin tawngkam uluk lo leh saptawng bel lo tih hriat taka ziakin, Pakistan fakna leh India mite vauna thu a inziak a ni. 

Tunhnaiah India ram chhunga website, .gov.in tia awm ho chuan beih a tawh fo thu leh he beih tumna anga lang hi Mizoram tum rana thil tih bik lam ni loin a nawlpuia sawrkar website a .gov.in tiha tawp ho ah a lanchhuah theih thu an sawi a. MPSC pawh chutah chuan a lo tel ve palh mai nia an hriat thu leh hei hi siamthat har a nih loh thu leh Mizoram sawrkar website beih tum nia hriat te hi siamthat nghal vek a nih thu an sawi a ni. 

ICT hotute chuan tunah hian Mizoram sawrkar website chu server thara tihsan mek a nih thu leh sorkar website pawh a chawp te te a an khawih that mek thu an sawi bawk a ni. 

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »