Department of Consumer Affairs in Workshop buatsaih

Mizoram sawrlkar-a Food, Civil Supplies & Consumer Affairs (FCS&CA) Department hmalakna in ni khat awh tur 'Strengthening of Price Monitoring Scheme' tih thupui hmanga Workshop chu nimin khan Planning & Program Implementation Department Conference Hall-ah neih a ni.

He Workshop hi sawrkar laipui-a Department of Consumer Affairs-a Director Lalram-dinpuii Renthlei chuan khuallian nia hmanpuiin thilman sang vak vak tur venna atana Price Monitoring pawimawhna te leh tunhnaia India leh Pakistan buaina avangin Sawrkar Laipui chuan nasa lehzuala ram pumpuia Price Monitoring uluk leh ngawrh zawka kalpui a tum dan te a sawifiah a ni.

He Workshop-ah hian chawhnu lamah 'Possibility of Production of Pulses in Mizoram' tih thupui chu zirho niin Mizoram-ah pulses (Dal) hlawk zawka tharchhuah dan tur sawiho a ni. Agriculture & Farmer’s Welfare Department atangin tunhnaiah India Sawrkarin ‘Self-Sufficient in Pulses Production’ tih thupuia neiin pulses production lamah tan a la nasa em em a, Mizoram ngeiah pawh tunhnaiah Tur/Arhar Dal nasa zawk leh hlawk zawka tharchhuah anih theih nan Sawrkarin hma a lak mek thu te tarlan a ni bawk.

Hei bakah hian 'Status & Prospect of Ginger Production in Mizoram' tih thupui ngaih-thlak ani bawk a, Sawhthing (ginger) chu Mizote chauh nilo India ram leh khawvel pumpui ang pawhin Spices zingah ei (consume) nasat ber pawl a nih thu leh tunhnaiah Sawrkar hmalakna in Mizoram-ah loneitu ten nasa takin Sawhthing an tharchhuak a, heng Sawhthing tharchhuah te hi loneitu (farmers) ten hlawk zawka an hralhchhuah theih nan Mizoram Sawrkar leh Sawrkar Laipui ten thawhhona tha an neih a pawimawh thu te sawilan a ni a. Hemi hnu hian zawhna leh chhanna hun hman nghal a ni bawk.