Volleyball Tournament khel zo

Serchhip District Volleyball Association (SDVA) buatsaih ‘District Volleyball Championship’ leh ‘Age Group Volleyball Tournament-2025’ chu Inrinni zan khan khelh zawh a ni.
    Serchhip Veng-chung Volleyball Court-a khelh‘District Volleyball Championship 2025’ ah hian Mipa inelna ah New Serchhip VC chuan Nicky VC, Thenzawl chu 3-2 (23-25, 25-15, 25-16, 15-25, 15-10) a hnehin an Champion a, Best Setter-ah Reuben Lalrintluanga leh Best Spiker-ah Lalnuntluanga (Nicky VC) te thlan an ni. Hmeichhia-ah Darnam VC chuan Vengchung VC chu 3-2 (25-20, 24-26, 25-21, 12-25, 15-13) a hnehin an Champion a, Best Setter-ah Debbie Lalruathlui (Darnam VC) leh Best Spiker-ah Pricilla Lalremruati (Vengchung VC) te thlan an ni. Age Group Tournament-ah Under-19 (Girls) ah Bungtlang in Hriangtlang chu 3-1 a hnehin an Champion a, Under-17 Boys-ah Vengchung in Keitum 3-0 in an hneh bawk.