Thenzawl-ah 'Fit India Cycling Drive neih a ni

Sports Authority of India (SAI), Mizoram Police leh Thenzawl Cycling Association tangho buatsaihin 'Fit India Cycling Drive' chu Inrinni khan Thenzawl-a SAI Hockey Ground-ah neih a ni.

He hun hi SAI Regional Director Lianhminthanga chuan hmanpuiin thirsakawr khalhtute chu a vailiam a, Mizoram Police leh Thenzawl Cycling Association bakah he rally a tel zawng zawngte chungah lawmthu a sawi bawk. Aizawl STC, Centre In-Charge Elizabeth Lalnunmawii Colney chuan thu sawi bawkin Fit India Cycling Drive in a tum tlangpui a sawi a ni.  He hun hi SAI Hockey Centre Thenzawl in-charge F Vanlalveni chuan kaihruaiin Fit India Movement hnuaia hun an hman awh dante tarlangin kum kalta December thlaah Cycling Rally hlawhtling taka neih a ni tawh thu a sawi bawk.

Fit India Cycling Drive hi FIT INDIA Movement hnuaia kalpui turin December ni 17, 2024 khan Union Sports Minister Mansukh Mandaviya chuan a hawng a ni.