VC thar ten Training an nei

Village Council Inthlanpui neih zawh taka Serchhip District-a thlantlin te tana Orientation Training hmasa ber chu nimin kan neih tan a ni.

    Ni 4 chhung awh tur District Panchayat Resource Centre (DPRC) Serchhip buatsaih he Training hi DPRC Conference Hall, Tarpi Tlang-ah neiin Serchhip DLAO Dr. C. Vanlalchhanhimi chuan Training hawnna hun hi a hmanpui a, he hunah hian Serchhip District-a VC 28 atangin mi 37 tel tura sawm niin nimin khan The Lushai Hills District (Vilage Councils) Act, 1953 leh The Mizoram (Village Councils) Act. 2025 te zirho a ni a, he Dan hnuaia VC te thuneihna leh an mawhphurhna te pawh zirho a ni bawk. Ni 4 chhung he Training neih turah hian VC te mawhphurhna leh an hriat tur hrang hrang zirho a ni dawn a ni.