Ui vulhtute fimkhur lehzual turin chah

Tunlaia Mizoram thenawm, Manipur State Churachandpur-a 'Ui a' hrileng chungchangah Animal Husbandry & Veterinary Department chuan Ui vulhtute chu fimkhur lehzual a tul thu leh Ui te chu Ui a hri danna, Rabies Vaccine laktir vek tur a nih thu an sawi.

AH&Vety Department Director, Dr R Zothanmawii chuan, tunhnaia Manipur Churachandpur-a Ui a hirleng avangin mi pathum an thi tawh tih sawiin, Ui a hri hian Mizoram a lo luh loh nan Manipur ramri dep khua ah te Ui a hri danna pek runpui nei tura hmalak mek a ni tih a sawi a, Ui a hri chu Ui a-in a seh, an chilphuan a luhin a kaichhawn theih a ni tih sawiin, Ui a hri chu virus in a thlen a nih avangin a enkawlna damdawi bik (specific treatment) a awm lo tih a sawi a, Ramsa zingah hnutetui pe chi reng reng in an kai theih vek thu leh Mihring tan pawh natna hlauhawm tak, a hri hnathawh clinical-a a lanchhuah tawh chinah phei chuan thih ngei ngeina a ni tih a sawi a, amaherawh chu vaccine hmanga ven theih a nih thu sawiin, Ui vulhtute chu Ui a hri danna pe ngei turin a chah a, AH & Vety Department in Hospital leh Dispensaries-ah te kumtluanin vaccine an pe thei reng tih AH&Vety Director chuan a sawi bawk a ni. 

Churanchandpur-a Ui a hrileng avang hian tunhnai ah Ui a hri danna Rabies vaccine la an pun phah nasa hle a, nimin lamah pawh khan hmun hrang hrangah Ui a hri venna la hi an awm leh nia thudawn a ni bawk.