Secretary 29 te enkawlna atan sum sen a tam

Mizoram sawrkar ah Secretary 29 awmin pakhat enkawlna atan hian thla tin cheng nuai 2.27 vel zel sen a ni a, an vaia enkawlna atana thla khata sen chu cheng vbc. 6.61 chuang a ni.

General Administration Department-in record a neih danin, Mizoram sawrkarah hian Secretary post 29 a awm a; heng ah hian service hrang hrang awmin India sawrkar Gazette ding lai zawmin Indian Administrative Sercvice 13 tal awm tura tih chu tunah hian zawm a ni. A dang hi Mizoram Civil Service 4, Mizoram Police Service 1, Mizoram Judicial Service 1, Mizoram Secretariat Service 2, Mizoram Finance & Accounts Service 1 leh Mizoram Engineering Service 1 te an ni.

Secretary zingah Department pali enkawl pakhat awmin Department pathum enkawl pahnih, Department pahnih enkawl 13 leh Department pakhat enkawl Secretary 13 an awm a. Secretary pakhat hian thla tin inenkawlna atan Rs. 2,27,943 a seng tura chhut sak an ni a. A thla hlawh (gross salary) Rs. 2,12,298 bakah In-a kawl tur peon pakhat (thla khata Rs. 13,020 hlawh) leh Mobile Phone bill-ah thla tin Rs. 2,625 a hmang thei a ni. Hemi ang hian secretary 29 enkawlna atana sawrkarin thla tina a sen chu Rs. 6,610,347 nia chhut a ni. Hei bakah hian lirthei pek an ni a, thla tin petrol (POL) litre 50 pek an ni bawk.