Bualpui (NG)-ah raltlan te zawm tur duang thar

Lawngtlai District chhung Bualpui (NG) a Raltlan awm mek te chu niminpiah khan Mizo-ram Police, Assam Rifle, VC leh Young Lai Association te nen inkawmin thawhhona tha an neih theih nana tangkai chi hrang hrang an sawiho.

He inkawmna ah hian Bualpui (NG)-a Raltlante awmdan tur hrilhhriat niin, Police, Assam Rifle, VC leh YLA atangin ram leh khawtlang a him zawk theih nan leh mipui leh Raltlan ten thawh-hona tha an neih theih nana tangkai chi hrang hrangte sawilan a ni a, Tunhnai khan Bualpui (NG)-ah Meth mum 56000 zet man a nih avang leh Myanmar atanga ruihhlo leh dan in a phalloh lakluhna kawngin a paltlang anih vangin Raltlan leh anmahni behchhana dan bawhchhiatna a thlen loh nan Raltlante hi kohkhawm an ni.

He inkawmhona ah hian Raltlan ten an zawm tur hrang hrang duan a ni a, Khawchhung a raltlan awm mek te zingah Kenbo Bike leh lirthei dang kawlte chu khawchhungah chauh hman phal sak niin an zin dawnin Joint VC Secretary hnenah in report a lehkha lak zel tur a ni dawn a. An haw hunah lehkha kengin Joint VC Secretary hnenah in report leh tura tih an ni bawk.

Heng bakah hian Raltlan, khawchhung a In luah tur te chu Veng-a VC leh YLA te hnenah in report hmasak zel tur a ni a, Raltlan ten puipunna an huaihawt duh chuan Joint VC ah an dil hmasak tur niin Raltlan in mikhual an neih dawn in Joint VC hnenah report zel tur a ni bawk a, heng bakah hian Raltlan chhiarpui neih nawn leh nise an ti bawk.