Sa leh Artui-a intodelh turin sawrkar in hma la zel

Mizoram chu Artui-a a intodelh theihna turin Sawrkar hian hma a la mek zel tih AH&Vety Department hotute chuan an sawi.

    AH & Vety Department hotute sawi dan chuan Thenzawl-a AH&Vety Farm Complex-ah Mega Egg Production Farm din tum mek a ni a, NABARD RIDF-XXX hnuaiah Project sum cheng vbc. 20.60hmuh atanga hmalak chhoh tur a ni a. He Project-ah hian arpui nuai khat vulh theihna tura duan niin Mizoram-a Artui tharlam leh thianghlim tam zawk tharchhuah theihna tura ruahman a ni a, Public Private Partnership (PPP) hmanga enkawl chhunzawm tum a ni. Sa a Mizoram a intodelh theih nan NEC hnuaiah Project pathum - Lungkawlha Sial inthlahpunna hmun (Mithun Multiplication Centre), Lengpui a tam thama Vawk vulhna tur (Integrated Piggery Farming) ruahmanna leh Ailawng-a tam thama vawk leh ar vulhna hmun tur (Integrated Piggery & Poultry Farming) te chu kalpui mek a ni.