CM in Treasury a tlawh

Kum 2024-2025 sawrkar kum-a ni hnuhnung ber nimin khan Finance changtu Chief Minister Lalduhoma chuan Aizawl North Treasury leh South Treasury Office a tlawh a, Chief Minister chuan sawrkar kum khar a lo hun leh tak thu sawiin, Finance Department-a thawktute, kan Treasury Office hrang hranga thawktute zarah engkim fel fai takin kan inching fel thei chu lawmawm a tih thu a sawi a. “Kumin ah hian cheng vbc. 900 chuang hret kan chhuahpui dawn a, nikumah khan cheng vbc. 500 vel kan chhuahpui thung a. Hei hian kan sum leh pai dinhmun a lo that deuh deuh zia a tilang a ni,” a ti.