Raltlan thalai te penchhuak tura a duh thu MP in a sawi

Mizoram Rajya Sabha MP K. Vanlalvena chuan Mizoram-a raltlan thalaite chu mahni ram chhanhim nana penchhuak vek tura a duh thu sawiin, tanpui an ngaihna ah an tan an awm zel dawn tih a sawi.

MNF Party in nimin-a Mizo Hnam Run Chhung Inkhawm an neih ah sawiin Rajya Sabha MP K. Vanlalvena chuan kum 2021-a Myanmar tualchhung buaina avanga rawn tlan thla chu sawrkarin rei tak a chawm hnuah an tih chhunzawm theih reng loh avangin hmun hrang hrangah raltlan an awm darh nasa tih a sawi a, Chin State Mizoram let thum vel laia lian ah mipui nuai 5 vel bak an awm tawh lo tih sawiin, sipai sawrkar hneh turin puih an ngai tih a sawi a, thalai tam tak Mizoram-ah an awm tih sawiin, thalai te chu Myanmar sipai sawrkar do let turin an ramah an haw a ngaih thu leh tanpui an ngaihna ah an tan an awm reng dawn tih a sawi a ni.

Rajya Sabha MP chuan Manipur-a Zohnahthlak unaute chungchang pawh sawiin, chi leh chi indona sim a pawimawh thu a sawi a, Mizoram hmun hrang hrangah Manipur raltlan thalaite awm ngawt lovin an hmelma do turin an haw a ngaih thu a sawi bawk.